manera.az
29 oktyabr 2015-ci il tarixdə institutun rəhbərliyi ilə “İnnovativ təlim me­to­dologiyasının və müvafiq resursların hazırlan­ması” möv­zusunda seminar-trenin­qin həyata keçirilməsində iştirak edən müdavimlərin görüşü keçirildi.

MANERA.AZ xəbər verir ki, giriş sözü ilə çıxış edən institutun direktoru, hüquq üzrə fəlsəfə doktoru Qulu Novruzov bildirib ki, “Fəaliyyət Planı”nın icrası üzrə Təhsil Nazirliyinin “Tədbirlər Planı”­nında öz əksini tapmış onlarla tədbirin icrasında ARTPİ əsas icraçı qismində iştirak edir.

Yığıncaqda bildirilib ki, bu tədbirlərdən biri də təhsilin bütün pillələri üzrə milli mənəvi və ümumbəşəri dəyərləri qoruyan və inkişaf etdirən, geniş dünyagö­rüşünə malik olan, təşəbbüsləri və yenilikləri qiymətləndirməyi bacaran, nəzəri və praktik biliklərə yiyələnən, müasir təfəkkürlü və rəqabət qabiliyyətli kadrlar hazırlamaqdır.

Qulu müəllim bildirdi ki, strategiyanın tədbirlər planının 2.1.1.6. bəndinin həyata keçirilməsi üçün seminar - treninqin təlim proqramı və müdavimlərin siya­hısı hazırlanmış, peşəkar təlimçi heyəti təşkil olunmuşdur. “İnnovativ təlim meto­do­logiyasının və müvafiq resursların hazırlan­ması” möv­zusunda seminar-treninqin proqramı bütün təhsil pillələri üzrə seçilmiş pedaqoji kadrlar üçün inno­vativ təlim metodologiyasının, təlimin məzmununun və müvafiq resursların yaradılması sahə­sində bilik və bacarıqların formalaşdırılmasını təmin edəcək 60 saatlıq seminar-treninqin ümumi məzmununu özündə əks etdirir. Bu proqrama əsasən, hər bir təhsil pilləsi üzrə müvafiq məzmun nəzərdə tutulur.

Seminar-treninqin birinci ongünlük kurs 26 oktyabr -06 noyabr tarixlərində keçirilir. Noyabr və dekabr aylarında peşə, orta ixtisas və ali təhsil müəssisələrinin pedaqoji kadrları üçün seminar-treninqlər planlaşdırılır. Birinci ongünlükdə iştirak edəcək məktəbəqədər və ümumtəhsil pilləsinin pedaqoji kadrları üçün təşkil olunan seminar-treninqin məzmununa təhsil sistemində innovativ proseslərin idarə olun­ması metodologiyası, pedaqoji innovasiyalar, innovasiyaların tətbiqi zamanı yara­nan pedaqoji və psixo­loji problemlərin aradan qaldırılması üçün yeni metodik və­sa­it­lərin hazırlanması, mü­asir təlim texnologiyalarından istifadənin metod və vasi­tələri, innovativ metodiki resursların, elektron dərsliklərin yaradılması və vəsait­lə­rin hazırlanmasına verilən tələblər, müəllimlər, valideynlər, şagirdlər üçün infor­ma­tiv və maarifləndirici vəsaitlərin hazırlanması və s. daxildir. “Azərbaycan Res­pub­likasında təhsilin inkişafı üzrə Dövlət Strategiyası”nın həyata keçirilməsi ilə bağlı Təhsil Nazirliyinin 2015-ci il üçün tədbirlər planına əsasən, Azərbaycan Res­publikasının Təhsil Problemləri İnstitutu tərəfindən “İnnovativ təlim metodolo­gi­ya­sının və müvafiq resursların hazırlan­ması” möv­zusunda seminar-treninqin təş­kil edilməsi məqsədilə geniş tərkibdə təlimçi heyəti yaradılmışdır. Seminar - trenin­qin məşgələlərini institutun nüfuzlu alim-təlimçilərdən ibarət komandası tərəfindən aparır.

1. Ənvər Abbasov - ped.üzrə f.dok.
2. İntiqam Cəbrayılov- p.e.d., şöbə müdiri
3. Piralı Əliyev -p.e.d., şöbə müdiri
4. Elxan Bəylərov -psix.e.d., şöbə müdiri
5. Afaq Əliyeva -şöbə müdiri
6. Asif hacıyev - ped.üzrə f.dok., şöbə müdiri
7. Riza Xəlilov- ped.üzrə f.dok
8. Bibixanım İbadova - ped.üzrə f.dok., şöbə müdiri
9. İlham Cavadov - ped.üzrə f.dok., şöbə müdiri
10. Laləzar Cəfərova - ped.üzrə f.dok., şöbə müdiri
11. Fərid Süleymanov - aparıcı elmi işçi
12. Vüsal Qasımov - böyük elmi işçi
Seminar treninqlər institutun Əlavə təhsilin kurikulumu şöbəsinin təşkilat­çı­lığı ilə keçirilir.