BƏXTİYAR

O həm şairidi, həm də bir ordu
Sözüylə alınmaz qala da qurdu.
Şüpələr içində görən də yurdu,
Ərəndən qurtuluş umdu Bəxtiyar.

Əzəldən yaranan gərdiş belədi
Yaxşının qədirini yaman bilmədi.
Başı ərşə dəyən qarlı zirvədi,
Sinəsi əkilən şumdu Bəxtiyar.

Yeyir Səxavəti qəm için-için,
Bir el çəkə bilmir bir ömürün köçün.
Əbədi həyat da yaşamaq üçün,
Əbədi gözlərin yumdu Bəxtiyar.

Səxavət Kəlbəcərli