Qazax rayon Mərkəzi Kitabxanasında Xalq şairi, akademik Bəxtiyar Vahabzadənin 90 illik yubileyinə həsr olunmuş ədəbi-bədii gecə keçirilib. "Türk dünyasının Bəxtiyarı" adlı mərasimdə mədəniyyət işçiləri, rayon ziyalıları və ədibin fəal oxucuları iştirak ediblər.

MKS-nin direktoru Solmaz Babanlı çıxış edərək şairin həyat və yaradıcılığından söz açıb. Bildirib ki, Bəxtiyar Vahabzadə təkcə Azərbaycan ədəbiyyatında deyil, ümumilikdə türk dünyasının ədəbi aləmində xüsusi yeri və öz dəst-xətti ilə seçilən şairdir.

Vurğulanıb ki, Prezident İlham Əliyevin 14 yanvar 2015-ci il tarixli Sərəncamı" əsasən görkəmli ədəbin 90 illik yubileyi geniş şəkildə qeyd olunur.

Tədbirdə şairin sözlərinə yazılmış mahnılar səsləndirilib. Sonda qonaqlar "Türk dünyasının Bəxtiyarı" adlı kitab sərgisi ilə tanış olublar.