Bu günlərdə şairə Mətanət Duyğulunun "Bu sevdanın adı nə?" adlı şeirlər kitabı çapdan çıxıb.

82 səhifəlik kitabdakı şeirlər üç bölməyə ayrılıb: "Kərki dağlarının başı dumandır", "Mən sevə bilmərəm səni", "Taleyimə baş daşıyam".

Kitaba "Ön söz"ü Azərbaycan Yazıçılar Birliyinin və Avrasiya Yazarlar Birliyinin üzvü, əməkdar mədəniyyət işçisi Vaqif Məmmədov yazıb. "Vətən sevgisinin poetik əksi" sərlövhəli ön sözdə Vaqif Məmmədov həmyerlisi kimi ailəsini yaxından tanıdığı istedadlı şairənin könül duyğularına dərin səmimiyyət və rəğbətlə dəyər verib, əsl ustad qayğıkeşliyi ilə onun şeirlərini təhlil edib.

Qeyd edək ki, Mətanət Duyğulu (Mətanət Mehdi qızı Nəcəfova) qədim Naxçıvanın Kərki kəndində anadan olub.