Dünən "Space"də “Günaydın” verilişində müğənni Mətanət Əsədova ilə şair Əziz Musa arasındakı qalmaqal sosial şəbəkələrdə də geniş müzakirələrə səbəb olub.

Xatırladaq ki, proqramda şair Mətanət Əsədovanı açıq-saçıq geyinməkdə ittiham edib, müğənni isə şou-biznesi bazar adlandıran Əziz Musaya "Bazar sizsiniz, biz olmasaq yazdıqlarını kimsə oxumaz" deyərək təhqir edib. Bu zaman şair müğənnini söyüb. Və proqramdan uzaqlaşdırılıb.

Məsələ ilə bağlı manera.az-a danışan şair Əziz Musa bildirib ki, bu gün müğənnilər ona müxtəlif nömrələrdən ardı-arası kəsilməyən zənglər edib, hədə-qorxu gəlirlər.

"Hazırda hədsiz gərginəm, daha çox informasiya vermək istəmirəm. Daha sonra açıqlama vermək zəruri olsa, manera.az-ageniş intervu verəcəm. Bu qədər." deyə sözlərinə elavə edib.

Manera.az