“68 min tamaşaçının önünə çıxıb mahnı oxumaq hər müğənniyə qismət olmur. Allaha çox şükür ki, bu, xoşbəxtlik mənə qismət oldu. Çox həyəcan keçirdim. Amma bu mənim üçün şərəfdir”.

Bunu dünən keçirilən möhtəşəm açılış mərasimində öz ifası ilə tamaşaçıları təəccübləndirən Azərbaycanın Xalq artisti, tanınmış muğam ustası Alim Qasımov mediaya açıqlamasında deyib.

Əsrarəngiz ifa sərgiləyən muğam ustadı tədbirin təşkilini çox yüksək qiymətləndirib: “Bütün dünyanın, Azərbaycanın izlədiyini mərasimdə çıxış etmək çox məsuliyyətli və qürurverici idi. Bu mənim üçün 100 qat şərəfdir. Həmin mərasimdə iştirak etmək hər bir azərbaycanlıya qismət olmur. Bu cəhətdən mən xoşbəxtəm.

Biz sənətimizi, muğamımızı bütün dünyaya tanıtdıq. Unudulmaz bir bayram gecəsini qeyd etdik”.