Manera.az-ın “Bir daşla doqquz quş” layihəsində bu dəfə suallara şair Bəxtiyar Əlirzayev cavab verir:

Niyə varsan?

- Var olub-olmamaq seçimi vermədilər, amma ayılanda gördüm ki, bura bir yana, heç yerdə olmamalıydım.

Niyə yox olacaqsan?

- Dincəlmək üçün.

Niyə yazırsan?

- Dəyərlilərin məni anlamağını istəyirəm.

Yaşamaq nədir?

- Hisslərinin dalınca zibilliyə də gedib, hətta tapdığın zeytun yağı şüşəsindən tanrı yaratmaq.

Ölüm nədir?

- Firuzədən əbədil ayrılmaq.

Ədalət nədir?

- Oğru gəldi, iki inəyindən sabah doğasını görməyib, qısırı apardı...

Azadlıq nədir?

- Bütövlük mənbəyi, güc axını.

Yaradıcılıq nədir?

-Tanrılaşmaq cəhdi.

İnsan kimdir?

- Hər şeyin ölümlü sahibi.

Tural İsmayılov,
MANERA.AZ

---

---