Manera.az-ın “Bir daşla doqquz quş” layihəsində bu dəfə suallara yazar Ayxan Ayvaz cavab verir:

Niyə varsan?

- Var olmağımı istəyənlər var.

Niyə yox olacaqsan?

- Yox olmağımı da istəyənlər var.

Niyə yazırsan?

- Bir ömrə bir neçə ömrü sığışdırmaq istəyirəm.

Yaşamaq nədir?

- Ləzzətli əzabdır yaşamaq.

Ölüm nədir?

- Ölüm də yaşamağın bir növüdür.

Ədalət nədir?

- Ədalət sözünü lüğətlərdən çıxarıblar.

Azadlıq nədir?

- Heç kim azad ola bilmədiyi üçün azadlıq abstraktdır.

Yaradıcılıq nədir?

- Bütün həzlərin cəmi və ən böyüyü.

İnsan kimdir?

- Suallar arasında var-gəl edən və cavab tapmayan biri.

Tural İsmayılov,
MANERA.AZ