Kənan Hacıdan yeni şeiri təqdim edirik:

Barmaqlarımda payıza oxşayan bahar

Səndən başqa hamı yandı halıma,
yoxluğunu qınadılar, a zalım.
baxıb sənə gələn yolun qarına,
dözümümü sınadılar, a zalım.
Hanı xoşbəxtliyin çinar çətiri,
bənövşə qoxulu saçların hanı?
ətri gözlərimə dolub yandırır,
bu yiyəsiz ömrün ünvanı hanı?
Daha gözüm səni görmür, a zalım,
gərək
əlifba öyrədim barmaqlarıma.
korun barmaqları görür, a zalım,
uzaqda gözünün yağışı yağır,
göynədir çatlamış dodaqlarımı.
Üzündəki külək hayandan əsir,
qəlbinin yerini unudub bahar.
Fəsillərin yeri dəyişik düşüb,
küləyə nə var ki... eləcə əsir,
əsib soyuq-soyuq üzündən keçir,
sənin gözlərində soyuyub bahar,
sənin gözlərində soyunur bahar...

Manera.az