Məşhur türk filmi Bakı kinoteatrlarında

Beyza Alkoçun kitabı əsasında çəkilən “3391 kilometr” adlı filmin eksklüziv nümayişi yanvarın 12-dən etibarən “CinemaPlus” kinoteatrlar şəbəkəsində baş tutacaq.
MANERA.AZ xəbər verir ki, filmdə baş rolları Derya Pınar Ak və Ahmet Haktan Zavlak canlandırırlar.
Filmin prodüseri və rejissoru Deniz Enyüksekdir.
Film sosial şəbəkə vasitəsilə tanış olan iki gəncin sevgi hekayəsindən bəhs edir. Bir-birindən bir neçə kilometr məsafədə olsalar da, onlar arasında güclü cazibə yaranır.
Film boyunca tamaşaçılar bir-birindən 3391 kilometr məsafədə yerləşən Fransa və Türkiyədə yaşayan gənclər arasındakı sevgi macərasının şahidinə çevriləcəklər.