manera.az

Bu gün Bakı Slavyan Universitetinin Yaradıcılıq Fakültəsində məzunların buraxılış günü keçirilib.

Yaradıcılıq Fondunun Mətbuat xidmətindən MANERA.AZ-a verilən məlumata görə, buraxılış mərasiminə universitetin müəllim və tələbə heyəti, ədəbi ictimaiyyətin nümayəndələri, jurnalistlər qatılıb.

Tədbiri giriş sözü ilə Yaradıcılıq Fakültəsinin dekanı Qismət Rüstəmov açıb.


MANERA.AZ
O, çıxış edərək fakültənin Azərbaycan sənət mühitində rolundan danışıb.

Qismət Rüstəmov fakültənin Oğuz və Qazaxda da filiallarının fəaliyyətə başlayacağı barədə məlumat verib. O bildirib ki, filiallar bölgələrdə yaşayan yaradıcı insanların bir araya gəlməsinə şərait yaradacaq.

Daha sonra universitetin rektoru, professor Asif Hacıyevə söz verilib. Rektor fakültədə yeni tədris ilində dərs saatlarının artırılması və digər sənət sahələrinin tədrisinə də yer ayrılacağı barədə məlumat verib.



Tədbirdə çıxış edən Azərbaycan Respublikasının Prezidenti yanında Bilik Fondunun icraçı direktoru Oktay Səmədov fakültənin uğurlarından, yeni tədris ilində filiallarda ingilis dili, internet və ixtisasartırma kurslarının keçiriləcəyindən danışıb.

Buraxılış mərasimində həmçinin filosof Niyazi Mehdi, yazıçı Fəxri Uğurlu, yazıçı-jurnalist Qan Turalı, Oğuz rayonu üzrə Yaradıcılıq Fakültəsinin filial rəhbəri, yazıçı Cəlil Cavanşir də çıxış edərək məzunlara və yeni tədrisn ilinin tələbələrinə uğurlar arzulayıblar.


Sonda məzunlara şəhadətnamələr, yeni qəbul olunanlara isə dinləyici biletləri təqdim olunub.