MANERA.AZ Elçin Əlibəylinin yeni şeirini təqdim edir:

Payızı necə aldatmışamsa hələ gələ bilmir,
səni mənim əlimdən ala bilmir,
səni çox sevdiyimi bilib
gözünün yaşını,
soyuq gəlişini gizlədib,
itib,
yayın isti havasında...
nə olar mənə inan,
payız da yazıqdır, qoy gəlsin
yoxsa qış düşər birdən
aramıza
sevgimizə
qar yağar birdən...
Payızı hələlik aldatmışam, inan...
İnan, olanım,
inan qalanım,
yoxsa payız üstümə gəlir,
məni qoru, birdənəm!