Üzeyir Hacıbəyli adına VII Beynəlxalq Musiqi Festivalı çərçivəsində sentyabrın 21-də Beynəlxalq Muğam Mərkəzində Böyük Teatrın nəfəsli kvintetinin konserti olub.

Rusiyalı artistlərin çıxışları böyük maraqla qarşılanıb.

Kvintet dünyanın çox ölkələrində qastrol səfərlərində olub. Onun repertuarında P.Çaykovski, A.Lyadov, A.Rubinşteyn, M.Musorqski, S. Prokofyev və başqa bəstəkarların əsərləri yer alıb.

Xatırladaq ki, ölkəmizdə dahi Azərbaycan bəstəkarı Üzeyir Hacıbəylinin 130 illik yubileyinə həsr olunan Beynəlxalq Musiqi Festivalı Mədəniyyət və Turizm Nazirliyinin təşkilati dəstəyi ilə sentyabrın 18-dən 28-dək keçirilir.