Yaxın gəlməz uzaqlar... | MANERA.AZ
![]()
manera.az
Manera.az gənc şair Furqan Sadiqin şeirini təqdim edir:
***
dənizin ortasında
hər şeydən uzaq düşən
kiçik bir ada kimi,
sükut içərisində
bir sıldırım qayaya
dəyib geri qayıdan
səs kimi, səda kimi,
yalqızam, canım-gözüm...
bir deyən də yoxdu ki,
ay evin yıxılmasın,
belə yaxın dost olma
həsrətlə, intizarla...
axı özün bilirsən,
həsrət binokl deyil,
yaxın gəlməz uzaqlar...
Manera.az