Manera.az
Manera.az gənc şair İntiqam Yaşarın şeirini təqdim edir:



***
Daha o şəhər də mənə ögeydi,
Daha o şəhərdə kimim var mənim?
Bircə XƏZƏRİNDƏ qərq olub itmiş,
Sahilə ümidsiz gəmim var mənim.

Tutub dikəldiyim divarlar uçub,
Həyat bildiyini edib onsuz da.
O qatar ki vardi, səsində hər şey,
Mən yetişməsəm də gedib onsuz da.

Ömür yuxusundan sərsəm ayilir,
Adam ümidindən yıxıldığı an.
Dünyanın hər şeyi heç nə sayılır,
Köksündə ürəyi sıxıldıgı an.

Manera.az