IV “Türk dünyası ənənəvi uşaq oyunları festivalı"
Noyabrın 3-də Gəncədə Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzinin, Bakı Yunus Əmrə İnstitutunun, Türkiyənin Gəncədəki konsulluğu və Gəncə Regional Mədəniyyət və Turizm İdarəsinin birgə təşkilatçılığı ilə IV “Türk dünyası ənənəvi uşaq oyunları festival” keçiriləcək.
Elmi-Metodiki Mərkəzdən MANERA.AZ-a bildirilib ki, qurumun Bakı Yunus Əmrə İnstitutu arasında bağlanmış memorandum çərçivəsində reallaşan birgə layihənin məqsədi türk dünyasının qeyri-maddi mədəni irs nümunələrinin ayrılmaz tərkib hissəsi olan ənənəvi uşaq oyunlarının həm əyləncə, həm də yarış formatında keçirilməsi, onların gələcək nəsillərə çatdırılmasıdır.