Mingəçevir Dövlət Dram Teatrı may ayının 14-dən - 19 -dək Türkiyənin Giresun şəhərində keçiriləcək Beynəlxalq Teatr Festivalında iştirak edəcək.

Mingəçevir Dövlət Dram Teatrı festivalda İlqar Fəhminin "Son reportaj" adlı tamaşasını nümayiş etdirəcək. Səhnə əsərinə tanınmış rejissor,ADGGT-nın baş rejissoru Azərbaycan və Kalmıkiya Respublikalarının əməkdar incəsənət xadimi Bəhram Osmanov quruluş verib. Qeyd edək ki, İ.Fəhminin bu pyesi ilk dəfə Mingəçevir Dövlət Dram Teatrında hazırlanıb və bu teatrın yaradıcılarından sayılan əməkdar artisti Akif Mirabov və Şıxı Yaqubovun sənət benefisinə çevirilib. Tamaşanın rəssamı Yusif İmamverdiyev, musiqi tərtibatı Elnur Rəsulova məxsusdur. Təyyar və Seymur rollarını isə teatrın gənc aktyorları Asim Əmirov və Firuz Hacıyev ifa edib.

Turan Etibaroğlu
MANERA.AZ

---

---