Gəncə Dövlət Dram teatrının yaradıcı kollektivi II Şəki Beynəlxalq Teatr Festivalında çıxış edəcək.

Sentyabrın 15-dən başlayan “Üç məkan” II Şəki Beynəlxalq Teatr Festivalında Gəncə Dövlət Dram teatrının repertuarında olan Cəlil Məmmədquluzadənin “Dəli yığıncağı” tamaşası nümayiş olunacaq. Bu barədə teatrın direktoru, respublikanın əməkdar mədəniyyət işçisi Əli Qasımov məlumat verib.

Onun sözlərinə görə, Cəlil Məmmədquluzadənin “Dəli yığıncağı” əsəri əsasında hazırlanan tamaşanın quruluşçu rejissoru, teatrın baş rejissoru İradə Gözəlovadır. Tamaşanın quruluşçu rəssamı Elnur Axundov, Musiqi tərtibatı isə Tünzalə Mustafayevanındır.

Tamaşada əsas rolları xalq artisti Pərvanə Qurbanova, əməkdar artistlər Faiq Qasımov, Elxan Yunis, İlham Hüseynov və Salamulla İsmayılov ifa edəcəklər.

Xatırladaq ki, yaradıcı kollektiv “Dəli yığıncağı” tamaşasını sentyabr ayının 18-də “Üç məkan” II Şəki Beynəlxalq Teatr Festivalı cərcivəsində Mingəçevir Dövlət Dram teatrının səhnəsində nümayış etdirəçək.