Mahmud MəsimBir məktub yaza bilsəydim kaş ona,
Üsyankar olmazdı qəlbim boşuna,
Hər şeyi vaxtında etsəydim əgər
Döyməzdim dizimə, nə də başıma.
Evlilik təklifi alaydı məndən,
Cavabı "hə" olub qalaydı mənlə,
Çəkəydim ətrini ciyərlərimə
Eşqin ləzzətini dadaydım mən də.
Alın yazısını dəyişdirəydik,
Ömrü əyləncəli ömür edəydik,
Gecələr yuxusuz qalanda hərdən
Təklikdə yastığı döyüşdürəydik.
Səhər qollarımda o, oyanaydım
İçimdə sönməyən od yaranaydı,
Gözümdən buludlar istefa edib
Kaş kilər, bəlkələr dayanaydı..
Yazaydım, yazaydım ölənə kimi,
Gözümün işığı sönənə kimi,
İndi yazacağam həmin məktubu
Mən ona, o, mənə dönənə kimi.
MANERA.AZБесплатные шаблоны для 10.5Forex Портал для чайников
Mətndə səhv var? Onu siçanla seçin və Ctrl+Enter düyməsini basın.