manera.az
manera.az

“Allah məhkəmə hakimləri ilə çay içib, nərd oynayanda...”

“Allah məhkəmə hakimləri ilə çay içib, nərd oynayanda...”Nicat Həşimzadə

Ölümlük həbslər

Ömürlük həbsi ölüm cəzası qədər ədalətsiz hökm hesab edirəm. Bir anlıq özünüzü ömürlük həbsə məhkum edilmiş məhbusun yerinə qoyun. Onun baxış istiqamətindən bu məsələyə yanaşın. İnsanı öldürmək olar, lakin onun qürurunu sındırmaq, şərəfini təhriq etmək olmaz. Deyək ki, bu insan azyaşlı qızı zorlayıb, işgəcə verərək öldürüb. Biz də ona ömürlük həbs cəzası arzulamaqla eyni cinayəti etmirikimi? Deyək ki, lap o insan canidir , şərəf və ləyaqət duyğusunu itirib. Bəs bizə nolub?

Müsəlman ölkələri «Quran»ı müqəddəs kitab hesab edir. Lakin ən qatı müsəlman belə Quran ayələrini dərk eləmir və ya o qədər fanatik dindardır ki, kor olub, ayələrin bir - birini zidd etməsindən xəbərsizdir. Qurana görə insanı Allah yaradıbsa canını da yalnız Allah ala bilər. Hansı səbəblərə görə İslam ölkələri bu qaydaya əməl etmir, Allahın yaratdığı varlığa ölüm hökmü oxuyurlar. Bəlkə Allah məhkəmə hakimləri ilə çay içib, nərd oynayanda onların qulağına ölməli adamların adlarını pıçıldayır?

Mənə qalsa dinin tamamilə əlehinəyəm. Bütün savaşların əsas səbəbkarı dini münaqişələrdir. Din cəmiyyətdə qul təfəkkürü yaradır. Milliyətçi də deyiləm. Amma bir həqiqəti anlaya bilmirəm. Ərəblər qız övladlarını öldürəndə, diri - diri torpağa göməndə türk dünyası qız övladının dünyaya gəlməsinə sevinirdi. Bəs necə oldu ki, aldandı ? Bir türk , ləzgi və s. niyə ərəb dilində dua oxumalıdır. Niyə mən sübh tezdən Azanın səsini eşitməliyəm. Bu biodalğalar insanın beyin hüceyrələrini darmadağın edir. Əgər musiqi səsləri sənin tüklərini ürpədirsə, ruhuna nüfuz edirsə deməli, həm fizioloji, həm də əqli cəhətdən o səsdən asılısan. Biodalğa hüceyrələrini öldürməklə məşğuldur.
Mövzum din deyil. Sadəcə ölkəmizdə din naminə həyata keçirilən qətllər də yox deyil.

Mövzudan çox da yayınmaq istəmirəm. 65- 70 yaşını keçmiş insanlar zindanda çürüməməlidir. Hər insanın azadlıqda ölmək hüququ olmalıdır. Nəvəsi, övladı istəyir ki, babaları son günlərini evdə keçirsin, öz doğma ocağında həyatla vidalaşdın. Məncə bu hər kəsin haqqıdır. Bizə də ömürlük həbs verilsə və 70 yaşına çatsaq düşünərik ki, heç olmasa son günlərimdə övladlarımı, sevdiyim qadını, nəvələrimi görəydim. Bu fürsəti məhbuslara üçün də tanımalıyıq. Ən qatı cinayətlər ən qəddar qanunların hökm sürdüyü ölkələrdə baş verir. Deməli, cəzalar cinayətlərin qarşısını almaqda acizdir. Qanunları ağırlaşdırmaq əvəzinə insanların sosial həyat şəraitini inkişaf etdirmək lazımdır. Yaşam səviyyəsindən narazı olmayan insan kimisə öldürmək, oğurluq etməz. Kredit borcları, çətin həyat şəraiti , aclıq və digər bu kimi məsələlər insanları qatilə çevirir. Əslində hamımız qatilik ya da ölümlük məhbuslar... Əgər qatil deyiliksə, o zaman hamımız birlikdə deyək:
- Rədd olsun, ömürlük həbslər. Məhv olsun, ölümlük cəzalar. Maksimum cəza 20 - 25 il olmalıdır. Bu, daha ədalətlidir.

(Yazıdakı fikirlər müəllifin şəxsi mülahizələridir)

Manera.azБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2020    »
 12345
6789101112
13141516171819
20212223242526
2728293031