Azərbaycan Dövlət Akademik Milli Dram Teatrında Xalq Artisti Səyavuş Aslanın anadan olmasının 80 illiyinə həsr olunmuş xatirə gecəsi keçirilib.

Tədbir Mədəniyyət və Turizm Nazirliyinin təşkilatçılığı ilə baş tutub.

Mədəniyyət və turizm nazirinin müavini Ədalət Vəliyev S. Aslanı Azərbaycan teatrının nəhəng sənətkarlarından biri kimi dəyərləndirib: “Səyavuş Aslan unikal şəxsiyyət, unikal sənətkar idi. O, əsl sənətkar kimi heç vaxt unudulmayacaq. Nə qədər ki, Azərbaycan teatrı, Azərbaycan kinosu, mədəniyyətimiz var, Səyavuş Aslanın sənəti də yaşayacaq”.

Teatrın baş rejissoru-bədii rəhbəri, Xalq Artisti Azərpaşa Nemət, S. Aslan haqqında xatirələrini bölüşüb, onu Azərbaycan teatrının, kinosunun böyük sənətkarı kimi xarakterizə edib.

Tədbirdə Xalq Artisti Hacı İsmayılov, kinoşünas, Əməkdar Mədəniyyət İşçisi Aydın Kazımzadə, Əməkdar İncəsənət Xadimi Məhərrəm Bədirzadə S. Aslanın kino və teatr fəaliyyətindən danışıb, onunla bağlı xatirələrini bölüşüblər.

Gecədə Siyavuş Aslanın çəkildiyi filmlərdən və lentə alınan tamaşalarından səhnələr nümayiş olunub.

Бесплатные шаблоны для 10.5Forex Портал для чайников