Tbilisidə gənc rəssam Şənay Sadiqin “Dünya mifologiyaları və mədəniyyət” adlı fərdi sərgisi açılıb.

MANERA.AZ xəbər verir ki, sərgidə gənc rəssamın 15 əsəri nümayiş etdirilir.

Sərginin açılışında Azərbaycan, Türkiyə, Qazaxıstan, Macarıstan və Avstriyanın Gürcüstandakı səfirliklərinin, SOCAR-ın, AZEBİ-nin əməkdaşları ictimaiyyət nümayəndələri iştirak ediblər.

Qeyd edək ki, sərgi M.F.Axundzadə adına Azərbaycan Mədəniyyəti Muzeyinin təşkilatçılığı, Azərbaycan səfirliyinin və SOCAR-ın Gürcüstan nümayəndəliyinin dəstəyi ilə açılıb.

Sərgidə Azərbaycan, Türkiyə, Skandinaviya ölkələri, eləcə də Hindistan mədəniyyətinə dair yağlı boya və rəngkarlıq üslubunda çəkilmiş rəsm əsərləri nümayiş etdirilib.

Sərgi mayın 25-dək davam edəcək. Sərgini ziyarət ödənişsizdir.