Mayın 28-də türk dünyasının ortaq internet televiziyası MEDIATURK TV fəaliyyətə başlayıb.

Manera.az xəbər verir ki, türk dünyasının mediakörpüsü olmağı hədəfləyən televiziya türklərin yaşadığı geniş məkana xitab edəcək.

Müstəqil türk dövlətləri – Azərbaycan, Türkiyə, Qazaxıstan, Qırğızıstan, Türkmənistan və Özbəkistanla yanaşı türk xalqlarının sıx məskunlaşdığı bütün coğrafiyada olacaq.

Türk dünyasının diasporu, parlamenti, siyasəti, təhsili, ədəbiyyatı, mədəniyyəti, mediası, tarixi, iqtisadiyyatı və səhiyyəsini, demək olar ki, bütün varlığını MEDIATURK TV-də tam şəkildə görə biləcəksiniz.

Televiziyanın təsisçiləri Azərbaycan Milli Məclisinin deputatı Cavanşir Feyziyev və Əməkdar jurnalist Elşad Eyvazlı, baş redaktoru isə gənc jurnalist Nəzrin Abduldur.