“Cabir Novruz” Mədəniyyət fondu və “Azərkitab”ın birgə təşkilatçılığı ilə “Azərkitab-Kitab Mərkəzi”nin nəzdində fəaliyyət göstərəcək “Cabir Novruz” Poeziya Evinin açılışı olub.

Manera.az xəbər verir ki, açılışda “Cabir Novruz” Mədəniyyət fondunun rəhbəri Cavanşir Qurbanov, Poeziya evinin direktoru Gültəkin Novruzova Əliabbas qızı, xalq yazıçısı Çingiz Abdullayev və digər qonaqlar iştirak ediblər.

Tədbiri giriş sözü ilə “Azərkitab”ın layihə rəhbəri Sabir Həsənov açıb.

Çıxış edənlər Azərbaycan ədəbiyyatının görkəmli nümayəndəsi, əməkdar incəsənət xadimi, xalq şairi Cabir Novruzun həyatı və yaradıcılığından ətraflı söz açıblar.