Dünyanın ən nüfuzlu mükafatlarından olan Nobel mükafatlandırılma mərasimi bu il keçirilməyəcək.

Manera.az xəbər verir ki, koronavirus pandemiyası səbəbilə hər il dekabr ayının ikinci həftəsi keçirilən Nobel mükafatlandırılma mərasiminin keçirilməyəcəyi açıqlanıb.

Dünyanın ən nüfuzlu mükafatlarından olan Nobel sahiblərini təyin edən Nobel Vəqfi, qaliblərin adlarının açıqlanacağını, ancaq mükafatlarının yeni formata uyğun olaraq veriləcəyini bildirib.

Xatırladaq ki, Nobel mükafatlandırılma mərasiminin keçirilməsinə ilk dəfə 1956- cı ildə Sovet hakimiyyətinin Macarıstanı işğal etməsi səbəbilə etiraz edilmişdi. Mərasimin keçirilməsi I və II Dünya müharibəsi illərində də ləğv olunmuşdu.