manera.az
manera.az

Kann kinofestivalı bu il keçiriləcəkmi? - Açıqlama

Kann kinofestivalı bu il keçiriləcəkmi? - Açıqlama
Bu il mayın 12-də açılışı nəzərdə tutulan Beynəlxalq Kann kinofestivalı təxirə salınıb.

Manera.az xarici KİV-ə istinadən xəbər verir ki, kinofestivalın direktoru Tyerri Fremonun sözlərinə görə, filmlərin həmişəki kimi beynəlxalq formatda - dünya kinoindustriyası nümayəndələrinin iştirakı ilə nümayişi mümkün deyil.

“Məlum şəraitdə Kann festivalının keçirilməsi alınmayacaq. Kann festivalı mahiyyət etibarilə həmişə beynəlxalq hadisə olub. Bu il dünya ulduzları və kino mütəxəssislərinin iştirakı olmadan festivalın ruhunu saxlamaq mümkün olacaqmı? Kann kinofestivalı yalnız adəti halda - kino ulduzları, tamaşaçılar, mətbuat nümayəndələri və peşəkarların iştirakı ilə keçirilə bilərdi”,- deyə Fremo bildirib.

Bununla yanaşı, Fremo təşkilatçıların bu il baş tutmayacaq 73-cü Kann kinofestivalının müsabiqə proqramına daxil olacaq filmlərin siyahısını hazırladıqlarını deyib. Siyahı iyunun əvəllərində açıqlanacaq. Bütün filmlərin 2021-ci ilin yazına qədər prokata buraxılacağı planlaşdırılır. Kinofestivalın təşkilatçıları əsasən, bu ilin yayından gələn ilin yazına qədər kinoteatrlara çıxacaq və bu baxımdan dəstəyə eytiyacı olan filmlərə diqqət ayırırlar. Bəzi potensial namizədlər payızda baş tutacaq 2021-ci ilin seçimlərini gözləməyə üstünlük veriblər. Digər qism filmlər isə hazırda onlayn-platformalarda nümayiş olunur.

Bu il kinofestivalın münsiflər heyətinə amerikalı kinorejissor və prodüsser Spayk Li başçılıq etməli idi. Li bu vəzifəsini gələn il yerinə yetirəcək./modern.az/Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2020    »
 12345
6789101112
13141516171819
20212223242526
2728293031