***
Saçların dağınıqdır.
Buyur, saçlarını dara
əlimlə...

Kimisi sevər,
öpüb gedər.
Kimisi nifrət edər,
atıb gedər.
Sənsə...
Sənsə baxıb getdin ...


***
Hər şəkil bir xatirə,
hər xatirə bir ağrı.
Hər ağrıda bir sən,
Necə çətindir,bilmirsən...


***
Hər yerdəydin:
Kiminin duruşunda...
Kiminin gülüşündə...
Bircə yanımda deyildin...


***
Üşüyən bədənlər
qucaq istər bilirsənmi?!
Qucaq-qucaq...
Sənsə məndən uzaqdasan.
Uzaq,uzaq...


***
Mən səni...
Məni səni...
Unutdum...
Unutdum nə deyəcəyimi...


***
Verim saxla məni əllərində
dəyərli əşyan kimi...
Məsələn:Telefon kimi...
Baxışlarınla toxun gözlərimə,
açılsın ürəyim...
Axtar orda sevgini,
bəlkə,sən tapdın ...

Bayram MUSTAFAZADƏ