Manera.az xəbər verir ki, Azərbaycanın xalq artisti görkəmli aktyor və rejissor Ağaxan Salmanlı Mingəçevir Dövlət Dram Teatrında yeni tamaşa hazırlayır. Əhməd Orucəlinin "Nənənin kələyi" adlanan komediyanın premyerası mayın 1-2-3-ü olacaq.
Qeyd edək ki, tamaşanın quruluşçu rəssamı Rəfael Həşimov, musiqi tərtibatı Elnur Rəsulova aiddir. Rolları Eyvaz Əliyev, Fəridə Məmmədova, Paşa Salmanov, Amil Fərzəliyev, Afiq Yusifov, Jalə Davıdova,Ş Hüseyn Mustafayev, Asim Məmmədov və Ruhəngiz Abdullayeva ifa edir.
"Nənənin kələyi" komediyası uzun illər əvvəl ilk dəfə Gənc Tamaşaçılar Teatrının səhnəsində Ağaxan Salmanlının quruluşunda səhnəyə qoyulub. Həmin tamaşada baş rolu Azərbaycanın xalq artisti mərhum sənətkar Firəngiz Şərifova ifa edib.

Turan