Rejissor Şamil Əliyevin “Çölçü” filmi Hindistanın Kəlküttə şəhərində beynəlxalq Cult film festivalının (Calcutta International Cult Film Festival) “Golden Fox Awards” (“Qızıl tülkü”) mükafatının qalibi olub.

“Azərbaycanfilm” kinostudiyasından manera.az-a verilən məlumata görə, Kəlküttə şəhərində dekabrın 5-6-da keçiriləcək festivalın mükafatlandırma mərasiminə filmin rejissoru Şamil Əliyev dəvət alıb.

Qeyd edək ki, “Çölçü” bədii filmi indiyədək 32 beynəlxalq kinofestivalda və forumlarda nümayiş olunub, müxtəlif mükafatlar qazanıb.