Milli.Az technote.az-a istinadən xəbər verir ki, "Nature" elmi jurnalının 2016-cı il Top-10 alimlər siyahısına daxil olmuş ispaniyalı Gillem Anqlada-Eskude yeni ekzoplanet kəşf edib.

Onun sözlərinə əsasən, yeni kəşf etdiyi ekzoplanetdə buz, buludlar və bitkilər mövcuddur. "Mənim təsəvvürümdə Proxima b Marsa bənzəyir. Lakin bizim sistemimizdəki Marsdan fərqli olaraq Proxima b-də buz, buludlar və bitkilər var", - deyə o qeyd edib.

Həmçinin alim qeyd edib ki, Proxima b-nin səthi okeanla əhatə oluna bilər. Alim həmin ekzoplanetə kosmik aparatın göndərilməsi ideyasının vacibliyini də bildirib. Proxima b-də 1 il 11.2 Yer sutkasına bərabərdir. Onun kütləsi Yer kütləsindən 1.3 dəfə böyükdür. Səthindəki temperatur isə 0 dərəcəyə bərabərdir./ milli.az