Azərbaycan Dövlət Simfonik Orkestri Moskva Dövlət Akademik Filarmoniyasında keçirilən “Digər Fəza” V Beynəlxalq Aktual Musiqi Festivalında çıxış edəcək.
Noyabrın 2-dən 6-dək davam edəcək festivalda nazirliyin maliyyə və təşkilatı dəstəyi ilə Üzeyir Hacıbəyli adına Azərbaycan Dövlət Simfonik Orkestri Moskva şəhərinə ezam olunacaq.
Noyabrın 5-də təşkil olunacaq konsert proqramında professor Fərəc Qarayevin “Serenada” (1971), alman bəstəkarı K.Ştokxauzenin üç orkestr üçün “Qruplar” və italyan bəstəkarı Luçano Berionun “Sinfonia” əsərləri səslənəcək.İlk dəfə olaraq, konsertdə üç böyük kollektiv - Ü.Hacıbəyli adına Azərbaycan Dövlət Simfonik Orkestri, “Questa musica” ansamblı və Rusiya Dövlət Orkestrinin solistləri eyni səhnəni bölüşəcəklər.

Manera.az