Mayın 15-i "YUĞ" teatrında "Sonluğun sonu" tamaşası təqdim olunub.

Birpərdəli monotamaşanı gənc aktyor Kamal Yaşar ifa edib.

Əsər bir kişinin dramı üzərində qurulub. Həyat yoldaşını itirdikdən sonra övladları tərəfindən tərk edilən yaşlı kişi təklikdən az qala dəlilik həddinə çatır. O dörd divar arasında təkcə xatirələr, keçmiş xoş günlərinin xəyalı ilə yaşayır.

Tamaşa mərhum dramaturq Rövşən Ağayevin eyni adlı pyesi əsasında səhnələşdirilib. Tamaşanın rejissoru Kamal Yaşar və Vidadi Həsənovdur.










Gülər Abbasova