Manera.az-ın elan etdiyi müsabiqədə “Ən yaxşı şeir” nominasiyası üzrə Emin Pirinin 10-luğa düşən şeirini təqdim edirik:

Belə...

Məndən baş çıxara bilmir
Öz doğmaca anam belə...
Sənə də qəribə gəlir?
Nə təhər insanam belə...
Vurub öldürsən də buyam
Bir az atəş , bir az suyam
Bir az da qütb soyuğuyam
Şaxta,
Sazaq ,
Donam belə!
Dönüb sənə baxır hamı
Donub...
Sənə baxır hamı
Saçlarında buz salxımı
Nə qırılam ,sınam belə.
Şəklinə səndən yaxınam
Mən öz evimi yıxanam ...
Belə-belə işlər sonam
Get,
Yaxşı yol ,sonam
-...
Belə!