manera.az
manera.az

Şahanə Müşfiqin kitabı Türkiyədə

Şahanə Müşfiqin kitabı Türkiyədə
Bu günlərdə yazıçı, şair Şahanə Müşfiqin "Şahanənin nağılı" kitabı Türkiyədə işıq üzü görüb.


Manera.az xəbər verir ki, "Şahanenin masalı" adlanan kitab Avrasiya Yazarlar Birliyinin "Bengü" nəşriyyatının "Azərbaycan ədəbiyyatı" seriyasından çap olunub.

Nəşrdə yer alan şeirləri Türkiyə türkcəsinə tanınmış yazıçı, tərcüməçi Ülkü Taşlıova çevirib. Üz qabığındakı rəsm və dizayn İbrahim Sağlama aiddir.

Kitaba ön sözü də Ülkü Taşlıova yazıb. O qeyd edir: "Gənc bir jurnalist olan Şahanəni ilk dəfə esse və məqaləsini Türkiyə türkcəsinə çevirərkən tanıdım. O qədər duru, o qədər sadə, o qədər güclü və bir o qədər də səmimi idi ki, hər sətrindən ayrı ləzzət almışdım. Azərbaycan türkcəsindən tərtəmiz istifadə etməsinə də heyran olmuşdum. Qaspiralının dediyi "Dildə birlik..." tam olaraq bu idi. Türkiyədən və Azərbaycandan hər hansı bir insan bu sətirləri oxusa "Bu nə deməkdir, görəsən?" soruşmağı mümkün deyil.

Şahanə məqalə və digər yazılarında istifadə etdiyi duru dili şeirlərində də eyni ölçüdə işlədib. Şeir sevənləri yormayan, oxuduqca düşündürən və təsirli bu gözəl əsərlərini Türkiyə türkcəsinə çevirərkən çox gözəl duyğular yaşadım.

Şahanəni özündən qabaq yazılarından tanımışdım. Və deyə bilərəm ki, hər şeir, hər məqalə, hər esse daxil bütün əsərlər yazıçının, şairin özüdür. Bunu Şahanəni tanıyanda daha yaxşı anladım. Şahanə bir şəxsiyyətə sahib olan Şahanə şeirlərindəki misraların arasında yaşamaqdadır".

Xatırladaq ki, "Şahanənin nağılı" kitabı 2018-ci ildə Azərbaycan Yazıçılar Birliyinin dəstəyi ilə "aybKitab" layihəsindən işıq üzü görmüşdü. 2019-cu ildə Mədəniyyət Nazirliyinin "Qızıl Kəlmə" mükafatının "Şans" ödülünə layiq görülmüşdü. Türkiyədə çap olunan kitaba isə "Şahanənin nağılı"ndakı şeirlərlə yanaşı, şairin "Ey sevda dənizim", "Xəyal qırıqlığım", "Eşqin rəngi", "İstanbulu anarkən", "Eşqə namə" və sair kimi Türkiyə türkcəsində yazdığı şeirlər də daxil edilib.

Ankarada işıq üzü görən kitab artıq kitab mağazalarında və kitab satışı ilə məşğul olan internet saytlarında satışdadır./525.az/Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2020    »
 1
2345678
9101112131415
16171819202122
23242526272829
3031