Bu gün Vətəndaş Həmrəyliyi Partiyasının mərkəzi qərargahında “Bozqurdun intiqamı” adlı bədii filmin təqdimat mərasimi keçirilib.

Manera.az–a açıqlamasında filmin rejissoru Elşən İsmayıl bildirib ki, bu film vətənpərvər gənclər tərəfindən çəkilib. Devizimiz - “Nisgilimiz Qarabağdır. Filmdə təkcə Qarabağ hadisələrindən deyil , 20 yanvar və Sumqayıt hadisələrindən də danışılır. Bizim bu filmi çəkməkdə məqsədimiz odur ki, rus imperializminin və fars şövnizminin ermənilərin əli ilə Azərbaycana qarşı törətdikləri cinayətləri dünyaya çatdıraq.
Filmdə Kürşad obrazının ifaçısı Ənvər Məmmədov çıxışında bildirib: “Biz film vasitəsi ilə gənclərimizi Qarabağ hadisələrinə qarşı biganə olmamağa çağırırıq. Arzu edirik ki, işğal olunan torpaqlarımızın tezliklə azad olunsun.”

Çinarə
Manera.az