Dar günümdə çoxu qaçıb,
Özgə yerdə işıq saçıb.
Hər bir kəsə ürək açıb,
İnanmışam, bəs deyilmi?

Hər gün haqdan söz salmışam,
Çox ocağa köz salmışam.
Öz içimdən od almışam,
Çox yanmışam, bəs deyilmi?

Bal da bəzən zəhər dadıb,
"Dostlar" məni çox aldadıb.
Hər adama əl uzadıb,
Dost sanmışam, bəs deyilmi?

Vahid, ürək dostun hanı?
İnsanları yaxşı tanı.
Neylim, məni anmayanı,
Hey anmışam, bəs deyilmi?

Vahid Əlioğlu
Manera.az