manera.az
manera.az

“Sarvan” folklor ansamblı beynəlxalq rəqs festivalında | MANERA.AZ

 “Sarvan” folklor ansamblı beynəlxalq rəqs festivalında | MANERA.AZ

Gürcüstandakı Azərbaycanlıların Mədəniyyət Mərkəzinin (AMM) nəzdində fəaliyyət göstərən “Sarvan” folklor ansamblı Türkiyənin Dənizli şəhərində keçirilən 15-ci rəqs festivalında iştirak edib.

AMM-dən bildiriblər ki, ansambl 7 gün davam edən festivalda gürcü və Azərbaycan xalq rəqslərini səsləndirib, mədəniyyət nümunələrini nümayiş etdirib.

Dənizli şəhər bələdiyyəsinin təşkil etdiyi festivala 11 ölkədən 380-nə yaxın nümayəndə qatılıb.

“Sarvan” ansamblının çıxışları, xüsusən də aşıq mahnıları, Azərbaycan və gürcü xalq rəqsləri yerli əhali və xarici təmsilçilər tərəfindən alqışlar və böyük maraqla qarşılanıb.

Ansamblın üzvlərinə mükafatlar təqdim olunub.

Festivalın sonunda təşkilat komitəsi ən yaxşı iştirakçıları seçərək ənənəvi Zeybək rəqsini ifa etmək üçün səhnəyə dəvət edib. Onların sırasında “Sarvan” ansamblının üzvləri də olub.

Qeyd edək ki, 9 ildir fəaliyyət göstərən “Sarvan” folklor ansamblının nəzdində aşıqlar, gürcü və Azərbaycan rəqs qrupları, mahnı və musiqi bölmələri fəaliyyət göstərir.

Ansambl bir çox beynəlxalq və ölkə daxili müsabiqələrdə iştirak edib mükafatlara layiq görülüb.

 “Sarvan” folklor ansamblı beynəlxalq rəqs festivalında | MANERA.AZ
 “Sarvan” folklor ansamblı beynəlxalq rəqs festivalında | MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2021    »
 12345
6789101112
13141516171819
20212223242526
2728293031