Manera.az "Mən olsaydım" layihəsində maraqlı suallara cavab axtarmağa çalışır. Onlar olsa, nə edərdilər? Müsahibimiz şair Faiq Balabəylidir.

- Sən olsaydın, nə edərdin ki, müxtəlif qitələrdə insanlar aclıqdan ölməsin?

- Mən olsaydım deyəndə, mən elə varam da... Ölüm haqdır... Aclıqdan ölməmələri üçün ac qalmamalarını tövsiyyə edərdim, İşləsinlər ki, "dişləsinlər", işi olmayanlar da iş tapsın. Ağıllı olsalar, ac qalmazlar, deyərdim.

- Sən olsaydın, Yer kürəsini məhv edən texnogen inqilabı necə dayandırardın?

- Əgər əlim çatsaydı həmin texnogenlərin təyinatını yer kürəsini məhv etməyə yox, inkişaf etməsinə dəyişərdim...

- Sən olsaydın, qlobal ekoloji şüuru necə tərbiyə edərdin?

- Vallah, əvvəlcə qlobal ekoloji şüuurun nə demək olmasını öyrənərdim.

- Sən olsan, necə bir əsər yazardın ki, uşaqlar daha ölməsin?

- Uşaqların ölümünün qarşısını almaq üçün heç bir əsər yaza bilmərəm, amma imkanım olsa, yaradan əlim, sözüm çatsa yalvararam ki, körpələri yaşatsın, eşidər, eşitməz ta bu onun işidir.

- Sən olsan, fəlsəfə yoxsa kimyanı seçərdin?

- Poeziyanı seçərdim. Poeziyada fəlsəfə də olur...

Tural İsmayılov
MANERA.AZ