Dövlət İmtahan Mərkəzi (DİM) sentyabrın 6-da bir sıra şagirdlər üçün əlavə imtahan təşkil edəcək.

Manera.az xəbər verir ki, əlavə imtahanda 2026-cı ildə keçirilən buraxılış imtahanlarında üzrlü səbəbdən iştirak edə bilməyən 9-cu və 11-ci sinif şagirdləri iştirak edə biləcəklər.

İmtahan eksternat qaydasında buraxılış imtahanı verən müvafiq şəxsləri də əhatə edəcək.

Bundan başqa, il ərzində keçirilmiş Azərbaycan dili (dövlət dili kimi) imtahanlarında üzrlü səbəbdən iştirak edə bilməyən şagirdlərə də sentyabrın 6-da imtahan vermək imkanı yaradılacaq.

DİM-in məlumatına əsasən, imtahanlar Bakı, Naxçıvan, Gəncə və Şirvan şəhərlərində təşkil ediləcək.