Əməkdar jurnalist, "Şəki" qəzetinin baş redaktoru Akif Salam təltif edilib.

MANERA.AZ xəbər verir ki, tanınmış jurnalist Prezident İlham Əliyevin fərmanı ilə təsis edilən "Azərbaycan milli mətbuatının 150 illiyi (1875-2025)" yubiley medalı ilə təltif edilib.

Qeyd edək ki, Akif Salam 24 iyul 1950-ci il tarixdə Nuxa (indiki Şəki) rayonunun Kiçik Dəhnə kəndində anadan olub. 1967 – 1972-ci illərdə S.M.Kirov adına Azərbaycan Dövlət Universitetinin (indiki Bakı Dövlət Universiteti) jurnalistika fakültəsində ali təhsil alıb. 1972-ci ildən “Şəki fəhləsi”/“Şəki” qəzetinin redaksiyasında işləyir; o cümlədən, əvvəlcə ədəbi işçi, sonra şöbə müdiri, məsul katib, redaktor müavini vəzifəsində çalışıb. Müxtəlif illərdə “Azərbaycan gəncləri” və “Naxçıvan” qəzetlərinin, AZƏRTAC və SİA informasiya agentciklərinin Şəki-Zaqatala bölgəsi üzrə xüsusi müxbiri vəzifəsində çalışıb. Uzun müddət “Şəki fəhləsi”/“Şəki” qəzetinin nəzdində fəaliyyət göstərən “Səbuhi” ədəbi məclisinə rəhbərlik edib. “Azərbaycan Respublikasının əməkdar jurnalisti” fəxri adı (2015), “Tərəqqi” medalı (2020) ilə təltif edilib.