manera.az
manera.az

Dünyada ən iyrənc söz “pensiya” sözüdür... - HEMİNQUEY | MANERA.AZ

Dünyada ən iyrənc söz “pensiya” sözüdür... -  HEMİNQUEY | MANERA.AZ
Ernest Miller Heminque dünya şöhrətli amerikalı yazıçıdır.

Heminquey dünya oxucularına yazdığı çoxsaylı roman və hekayələrlə yanaşı, həm də macəralarla dolu qeyri-adi həyatı ilə də tanınır. O Qısa və dolğun yazı üslubu ilə XX əsr Amerka və Britaniya ədəbiyyatına ciddi təsir göstərmişdir.

Heminquey görə, həyatda yazıçıya içki, qadınlar, pul və şöhrət mane olur. Eləcə də içkinin, qadınların, pulun və şöhrətin olmaması.

"Kişilərsiz qadınlar", "Əlvida, silah!", "Zəng kimin üçün çalınır" üslub gözəlliyi və ifadəliliyi baхımından Heminqueyin ən yaхşı əsərləri sayılır.

Bununla yanaşı, onun "Çayın o tayında, ağacların kölgəsində" romanını uğursuz əsər kimi qarşılanmışdı. Hətta müəllifin ünvanına parodiya və felyetonlar da yazılmışdı. Amma Heminquey haqlı iradları sükutla qarşılamışdı.

Ernest Heminqueyin “Paris, həyat üçün bayramdır” və ya “Mütəhərrik bayram” avtobioqrafik əsəri onun Paris həyatından, dövrünün gärkəmli adamları ilə görüşlərindən, Parisin füsünkar gözəlliyindən bəhs edir.

O Nobel mükafatına ""Qoca və dəniz" povestində bir daha nümayiş etdirdiyi təhkiyə ustalığına, habelə müasir nəsrə göstərdiyi təsirə görə" layiq görülmüşdü.

Heminquey bu gün də dünya miqyasında çoх tanınan, tərcümə olunan və oхunan amerika müəlliflərindən biri olaraq qalmaqdadır.

MANERA.AZ Heminqueyin deyimlərinin bir hissəsini təqdim edir:

***

“Dünyadakı insanların hamısı iki qismə bölünür. Birincilərlə yaşamaq asandır, elə onlarsız da yaşamaq asandır. İkincilərlə çox qəlizdir yaşamaq, amma onlarsız yaşamaq heç mümkün deyil”.

“Sözün əslinə qalanda yazmaqda qeyri-adi heç nə yoxdur. Oturursan yazı makinasının arxasına və başlayırsan qan-tər tökməyə”.

“Həm də xoşbəxt olan ağıllı adamlarla çox az rastlaşdım”.

“Nə qədər qaçılmaz və ədalətli olsa da hər müharibə həmişə cinayətdir”.

“Sevmədiyiniz insanlarla heç vaxt səyahətə çıxmayın”.

“İnsanların çoxu heç vaxt bir-birini dinləmir”.

“İçirəm ki, yan-yörəmdəki insanlar daha maraqlı görünsünlər”.

“Keçmiş günlərdə vətən uğrunda ölməyin şirin dadından və gözəlliyindən tez-tez yazardılar. Amma indiki müharibələrdə şirin və gözəl heç nə qalmayıb. Heç bir səbəb olmadan it kimi gəbərirsən”.

“Dünyada ən iyrənc söz “pensiya” sözüdür”.

“İnsanlar yaşlandıqca ağıllanmırlar. Onlar sadəcə daha ehtiyatlı olurlar”.

“Bilgi və alimliyini gözə soxanların nə erudisiyası var, nə də alimliyi”.

“Bir yerdən başqa yerə köçsəniz də yenə özünüzdən qaça bilməyəcəksiniz”.

“Nəyisə yalnız həzz naminə edirsinizsə, deməli, daha yaşamırsınız”.

“İki nəfər bir-birini sevirsə, bunun axırı yaxşı ola bilməz”.

“Dünyada yatmaq üçün nə qədər desən, qadın var, amma dərdləşmək üçün tək-tük”.

“Hansı düşüncədən canınızı qurtarmaq istəyirsinizsə, onu yazıya köçürün”.

“Adama güvənməyin ən yaxşı yolu elə ona güvənməkdir”.

“İstənilən qorxaqlıq sevgisizlikdən doğur”.

“Dostoyevskidə inandıqlarını da taparsan, inanmadıqlarını da. Amma elə doğru şeylər var ki, oxuduqca özünün necə dəyişdiyini hiss edirsən”.

“Bütün sentimental insanlar çox qəddardır”.

“Gerçəkdən igid insanların duelə çıxmalarına gərək qalmaz, amma bir çox qorxaq özünü öz igidliyinə inandırmaq üçün həmişə duelə əl atır”.

“Bir şey xətrinizə toxunursa, deməli, hər şeyə biganə deyilsiniz”.

“Dünyanın ən yaxşı adamları gözəlliyi duymağı, riskə getməyi bacarır, doğrunu deməyə özündə güc tapırlar. Bu müsbət keyfiyyətlər onları çox kövrəkləşdirdiyindən ən yaxşı adamlar çox vaxt içəridən dağılır”.

“Hamımız sındırılmışıq. Elə bu üzdən də sınıq yerlərimiz o birilərindən çox dözümlüdür”.

“Uğurun çox sadə sirri var: heç vaxt ruhdan düşməyin. Heç vaxt adam içində ruhdan düşməyin”.


Бесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2022    »
 12
3456789
10111213141516
17181920212223
24252627282930
31