Oktyabr ayının 15-də Səməd Vurğunun Ev Muzeyində şair Eldar Baxışın 75 illiyi münasibəti ilə tədbir təşkil olunub.

MANERA.AZ xəbər verir ki, tədbirdən öncə şairin qələm dostları, qohumları və yaxınları Xırdalanda onun məzarını ziyarət ediblər.

Yazıçı Azad Qaradərəli muzeydəki tədbirdə söylədiyi giriş sözündə şairin həyat və yaradıcılıq yolu haqqında qısa məlumat verib. Tədbir iştirakçılarından Ramiz Rövşən, Zamin Hacı, İlham Qəhrəman, Rafiq Yusifoğlu, Mübariz Örən, Nəriman Qasımoğlu, Hacı Nərimanoğlu, Rəfael Həbiboğlu, Teyfur Çələbi, Asif Talıboğlu, Dilşad Tahirqızı, Müşüknaz Muradova və başqaları qonaqlara Eldar Baxışla bağlı xatirələrindən, şairin yaradıcılıq məziyyətlərindən söz açıblar. Şairin əsərlərindən nümunələr söylənib.

Anım tədbirində Qubadlı, Laçın və Zəngilan ictimaiyyətinin nümayəndələri də iştirak ediblər.

Şairin oğlanları Tural və Anday anım gününə yığışanlara təşəkkür etdikdən sonra yazıçı A.Qaradərəlinin Eldar Baxışa həsr etdiyi "Vətən şairi" kitabının imzalanma mərasimi keçirilib.

Qeyd edək ki, Azad Qaradərəlinin yenicə çapdan çıxmış "Vətən şairi" kitabında yazıçı dostu haqqında zaman-zaman yazdığı esselər, xatirə yazıları, "E.Baxışa məktub", habelə ilk dəfə çap olunan geniş həcmli "Qarsiya Lorka və Eldar Baxış", "Sabir Əhmədli və Eldar Baxış", "Vətən şairi" məqalələri yer alıb.






Бесплатные шаблоны для 10.5Forex Портал для чайников