Azərbaycan Yazıçılar Birliyində ukraynalı yazarlarla görüş keçirilib

Azərbaycan Yazıçılar Birliyində (AYB) ukraynalı qonaqlarla görüş keçirilib.
Manera.az xəbər verir ki, qonaqları Azərbaycan Yazıçılar Birliyinin sədri, Xalq yazıçısı Anar qəbul edib.
Görüşdə Ukraynanın Azərbaycandakı səfiri Yuri Qusev, yazıçı-alim Perro Kralyuk, yazıçı Svetlana Emeç, publisist və naşir Aleksandr Krasoviskiy, səfirliyin əməkdaşı Aleksandr Onişenko iştirak ediblər.
Azərbaycan tərəfini görüşdə AYB-nin beynəlxalq əlaqələr və tərcümə məsələləri üzrə katibi Səlim Babullaoğlu, Bədii Tərcümə və Ədəbi Əlaqələr Mərkəzinin sədri Əsəd Cahangir, AYB sədrinin baş müşaviri Rauf Aslanoğlu və şair Məhəmməd Rəsuloğlu təmsil ediblər.