Yazarlara dəstək layihəsi başladı

Kitab təqdimatı və imza günlərinin keçirilməsinə dəstək layihəsi start götürür.
MANERA.AZ xəbər verir ki, Mədəniyyət Nazirliyi, Bakı Şəhəri Mədəniyyət Baş İdarəsi, Mədəni Tədbirlərin təşkili və Yaradıcı Gənclərlə İş üzrə Mərkəz dəstək layihəsini ictimaiyyətə təqdim edir.
Tədbirdə yaradıcı şəxslərə kitab təqdimatları, imza günlərinin keçirilməsinə mərkəz tərəfindən məkan və texniki dəstək təklif olunacaq.
Bundan sonra yazarlar Mədəni Tədbirlərin Təşkili və Yaradıcı Gənclərlə İş üzrə Mərkəzə müraciət edərək təklif olunan dəstəkdən yararlana bilər.