Mərhum şair Əhməd Oğuzun xatirəsinə həsr olunmuş daha bir kitab nəşr edilib.

Manera.az xəbər verir ki, türk folklor sənətinin bilicisi, şair, ozan Əhməd Oğuzun unudulmaz xatirəsinə ithaf olunmuş bu topluda onun çox sevdiyi türk ağız ədəbiyyatının beş azman söz ustadının – Dirili Qurbani, Abbas Tufarqanlı, Xəstə Qasım, Qaracaoğlan və Dadaloğlu - poetik irsindən yığılıb bərpa olunmuş şeirlər toplanıb.

Kitabın məsləhətçiləri mərhum şairin dostları Səfər Rzasoylu, Əli Bağış və Rəşid Süleymanovdur, mətni Murad Köhnəqala bərpa və tərtib edib, nəşrə hazırlayanı və redaktoru idə Nəriman Əbdülrəhmanlıdır.

“Əhməd Oğuz ozanları” klassik poeziya toplusunun təqdimat mərasiminin may ayında keçirilməsi gözlənilir.

Xatırladaq ki, bundan əvvəl mərhum şairin "Var olsun ayrılıqları" adlı kitabı işıq üzü görmüşdü.