Dünya şöhrətli Cənubi Koreyalı rejissor Kim Ki Duk vəfat edib.

Manera.az "Ria Novosti"yə istinadla xəbər verir ki, rejissor Latviyada dünyasını dəyişib.

Məlumata görə o Yurmala şəhərində ev alaraq burada yaşamağı planlayırmış. Vacib iclasa gəlmədiyini görən dostları xəstəxanalara Kim Ki Dukla bağlı sorğu göndərib.

Məlum olub ki, rejissor koronavirusdan dünyasını dəyişib.

Qeyd edək ki, Kim Ki Duk Venesiya, Berlin, Kann kimi məşhur festivalların qalibi olub. Onun "Boş ev", "Pyeta", "Bahar, yay, payız, qış... və bahar", "Moebius" kimi filmləri dünya tamaşaçılarının rəğbətini qazanıb.

Rejissorun “Pyeta” filmi 2012-ci ildə Venesiya Film Festivalında “Qızıl Şir” mükafatına layiq görülüb.