Məşhur Hollivud aktyoru Tom Kruz yeni macəra filmində çəkiləcək.

Manera.az xəbər verir ki, filmin bir hissəsi Beynəlxalq Kosmik Stansiyada reallaşacaq.

Bu barədə ABŞ-ın Aeronavtika və Kosmik Tədqiqatlar Milli Agentliyinin (NASA) direktoru Ceyms Braydenstayn deyib.

“NASA Tom Kruzu stansiyanın göyərtəsində görmək və onunla film üzərində işləməkdən çox məmnundur. Biz NASA-nın iddialı layihələrini həyata keçirən yeni nəsil mühəndis və alimləri ruhlandırmaq üçün bütün media vasitələrindən istifadə etməliyik”,-deyə C. Braydenstayn bildirib.

Qeyd edək ki, “Deadline” portalı bundan əvvəl T.Kruzun yeni çəkildiyi filminin kosmik fəzada baş verəcəyini bildirmişdi.

Məlumatda qeyd olunurdu ki, ekran əsərinin ərsəyə gəlməsində amerikalı milyonçu İlon Maska məxsus olan “SpaceX” şirkəti iştirak edəcək. Ancaq filmin çəkilişlərinin başa çatma tarixi, onun yaranmasında hansı şirkətlərin iştirakı və hətta ekran əsərinin adı hələlik məlum deyil.