Azərbaycanın xalq şairi, “Şöhrət” və Gürcüstanın “Şərəf” ordeni laureatı Zəlimxan Yaqubun anadan olduğu Gürcüstanın Kvemo Kartli-Borçalı bölgəsinin Bolnisi rayonunun Kəpənəkçi kəndində Zəlimxan Yaqub adına Poeziya Evi tikiləcək.

Manera.az xəbər verir ki, kənd ağsaqqalı, Gürcüstan parlamentinin sabiq deputatı Ramiz Bəkirov Azərtac-a Bolnisi rayon bələdiyyəsinin Kəpənəkçi kənd əhalisinin, eləcə də Zəlimxan sevənlərin müraciətinə müsbət cavab verdiyini bildirib.

Bələdiyyə Kəpənəkçi kəndində Zəlimxan Yaqub adına Poeziya Evinin tikintisinə razılıq verib və torpaq sahəsi ayırıb.

Onun sözlərinə görə, yaxın günlərdə yeni mədəniyyət ocağının eskiz layihəsi də təsdiq olunacaq və tezliklə tikintiyə başlanılacaq.