manera.az
manera.az

İki böyük türk şairi haqqında beynəlxalq elmi panel keçirilib

İki böyük türk şairi haqqında beynəlxalq elmi panel keçirilib
Azərbaycan Milli Elmlər Akademiyasının (AMEA) N.Gəncəvi adına Ədəbiyyat İnstitutunda "Məhməd Akif Ərsoydan Bəxtiyar Vahabzadəyə iki şair bir şeir" mövzusunda beynəlxalq elmi panel keçirilib.

Manera.az xəbər verir ki, tədbir çərçivəsində hər iki şairin əsərlərindən ibarət sərgi də təşkil edilib.

İclası AMEA-nın vitse-prezidenti, institutun direktoru, akademik İsa Həbibbəyli açaraq Azərbaycan-Türkiyə münasibətlərindən danışıb. M.A.Ərsoyun Türkiyədə Cumhuriyyət ideyalarını ortaya atan, milli düşüncə, istiqlaliyyət fikirlərini yayan, dövlətçilik təfəkküründən çıxış edən şair olduğunu deyən İ.Həbibbəyli bildirib ki, ədibin "Safahat" əsəri ölkəmizdə də böyük rəğbət qazanıb, Azərbaycan alimləri tərəfindən diqqətlə araşdırılıb, öyrənilib.

O, həmçinin B.Vahabzadənin də yaradıcılığına toxunub, şairin hələ SSRİ dövründə müstəqillik, milli istiqlaliyyət ideyalarından çıxış etdiyini, əsərlərində bu mövzulara geniş yer verdiyini xatırladıb.
İki böyük türk şairi haqqında beynəlxalq elmi panel keçirilib
Hər iki şairin türk dünyasında məşhur olduğunu və istiqlaliyyət şairləri kimi anıldığını deyən İ.Həbibbəyli elmi panelin onların yaradıcılığının daha geniş kütlələrə çatmasına təkan verəcəyini söyləyib.

Paneldə, həmçinin Türkiyənin Azərbaycandakı fövqəladə və səlahiyyətli səfiri Erkan Özoral, Türkiyə Mədəniyyət və turizm nazirinin müavini Nadir Alpaslan, Türkiyə Qida və Səhiyyə Nazirliyinin nümayəndəsi Necdet Ünüvar, EkoAvrasiya dərnəyinin rəhbəri, yazıçı Hikmət Ərən, Bakı Yunus Əmrə İnstitutunun müdiri, dosent Cihan Özdemir, TİKA Bakı Proqram Koordinatoru Teoman Tiryaki, Türkiyənin Azərbaycandakı dostluq qrupunun rəhbəri, millət vəkili Şamil Ayrım və M.A.Ərsoyun nəvəsi Səlma Ərsoy Arqon çıxış edərək Azərbaycan-Türkiyə münasibətlərindən, eləcə də ədiblərin yaradıcılığından danışıblar.

Sonda çıxışlar ətrafında elmi müzakirələr aparılıb./ona.az/

MANERA.AZБесплатные шаблоны для 10.5Forex Портал для чайников






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
TRİBUNA
XƏBƏR LENTİ
BÜTÜN XƏBƏRLƏR
TÜRK DÜNYASI
«     2019    »
 123
45678910
11121314151617
18192021222324
252627282930