Bu günlərdə “Elm və təhsil” nəşriyyatında filologiya elmləri namizədi Ayəddin Əliyevin yeni dərs vəsaiti nəşr olunub.

Manera.az xəbər verir ki, dərslik “Fəxrəddin Hinduşah Naxçıvaninin “Əs-sihah əl-əcəmiyyə” əsərinin dili” adlanan dərs vəsaitində Fəxrədddin Hinduşah Naxçıvaninin “əs-Sihah əl-əcəmiyyə” əsərinin materialları əsasında XIII əsr ədəbi dilimizin fonetik, leksik, qrammatik xüsusiyyətləri izah edilir.

Dərs vəsaiti giriş, dörd fəsil, nəticə, ixtisarlar, istifadə olunmuş ədəbiyyat siyahısından və lüğətdən ibarətdir.

Müəllif kitabda XIII əsrdən əvvəl və XIII əsrdə Azərbaycanda yazılı ədəbi dilin funksiyası məsələsini incələmiş və bunula da ölkəmizdə türk yazı dilinin meydana çıxması, ərəb və fars ədəbi dillərinin həmin mühitdə işlədilməsi tarixi haqqında maraqlı nəticələr əldə etmişdir.

Vəsaitdən elmi işçilər, magistr, doktorant, müəllim və ali məktəb tələbələri, eləcə də dilimizin tarixi ilə maraqlananlar istifadə edə bilərlər.

Şəhla,
MANERA.AZ